Na’e hoko atu ‘a e polokalama ‘a e Pangikē Pule Fakafonua ‘o Tongaʹ ki hono fakahinohino ‘a hono ngaue’aki ‘o e seti pa’anga pepa ‘o e 2023ʹ ki he Vahefonua Vava’uʹ he ‘aho 30 Ma’asi ki he 2 ‘Epeleli 2026. Na’e fakahoko e polokalama ni ki he ngaahi ‘apiako lotoloto ‘a e Pule’angaʹ ‘e ni’ihi pea tufa atu mo ha ngaahi naunau ko ha fakahinohino ‘o e pa’anga fo’ou ki he ngaahi pisinisi falekoloaʹ, ngaahi ‘ofisiʹ pea mo e ngaahi pangikeeʹ.
Na’e lava foki mo ha fakataha mo e kau pule ‘o e ngaahi pangikē fakakomesiale ‘o e Vahefonua Vava’uʹ.
Na’e pehē ‘e he Tokoni Kovanaʹ, ‘Ungatea Latu, “Ko ha faingamalie lelei eni ke lava ha fetalanoa’aki mo e ngaahi pangikeeʹ pea pehē ki he kakai kehekehe pē na’e a’u atu ki ai ‘a e polokalamaʹ ke fanongo tonu ki he ‘enau ngaahi feima’uʹ, ‘a ia ‘e tokoni eni ki he fakahoko fatongia ‘a e Pangike Puleʹ ki he kakai e fonuaʹ kae tautefito ki Vava’u.”
For more information,
National Reserve Bank of Tonga
Telephone (676) 24 057: Fax (676) 24 201
Email:
Website: www.reservebank.to
